ಅಜಿತ್ ದೋವಲ್ ಅವರಂತಹ ಹಿರಿಯ ಅಧಿಕಾರಿ ಕೋಮು ದ್ವೇಷದ ಸಿದ್ಧಾಂತವನ್ನು ಆರಿಸಿಕೊಳ್ಳುವುದು ಅತ್ಯಂತ ದುರದೃಷ್ಟಕರ’- *ಮೆಹಬೂಬಾ ಮುಫ್ತಿ
ಪ್ರಜಾವಾರ್ತೆ: ಜ.12
ನವದೆಹಲಿ: ರಾಷ್ಟ್ರವನ್ನು ರಕ್ಷಿಸುವ ಗುರತರ ಜವಾಬ್ದಾರಿಯನ್ನು ಹೊಂದಿರುವ ರಾಷ್ಟ್ರೀಯ ಭದ್ರತಾ ಸಲಹೆಗಾರ (ಎನ್ಎಸ್ಎ) ಅಜಿತ್ ದೋವಲ್ ಅವರು ಕೋಮು ದ್ವೇಷದ ಸಿದ್ಧಾಂತಕ್ಕೆ ಸೇರಲು ನಿರ್ಧರಿಸಿದ್ದು ಮತ್ತು ‘ನಾಯಿ ಶಿಳ್ಳೆ’ಯಂತೆ ವರ್ತಿಸುತ್ತಿರುವುದು ದುರದೃಷ್ಟಕರ ಎಂದು ಪಿಡಿಪಿ ಅಧ್ಯಕ್ಷೆ ಮತ್ತು ಜಮ್ಮು ಮತ್ತು ಕಾಶ್ಮೀರದ ಮಾಜಿ ಮುಖ್ಯಮಂತ್ರಿ ಮೆಹಬೂಬಾ ಮುಫ್ತಿ ಹೇಳಿದ್ದಾರೆ . ಶತಮಾನದಷ್ಟು ಹಳೆಯ ಘಟನೆಗಳಿಗೆ ಸೇಡು ತೀರಿಸಿಕೊಳ್ಳಲು ಒತ್ತಾಯಿಸಿದ್ದಕ್ಕಾಗಿ ಕೇರಳ ಕೇಡರ್ನ ನಿವೃತ್ತ ಐಪಿಎಸ್ ಅಧಿಕಾರಿ ಅಜಿತ್ ದೋವಲ್ ಅವರನ್ನು ಮೆಹಬೂಬಾ ಮುಫ್ತಿ ಟೀಕಿಸಿದ್ದಾರೆ, ಇದನ್ನು ಕೇವಲ ‘ನಾಯಿ ಶಿಳ್ಳೆ’ ಎಂದು ಕರೆದಿದ್ದಾರೆ .
ದೆಹಲಿಯಲ್ಲಿ ನಡೆದ ‘ವಿಕಸಿತ್ ಭಾರತ್ ಯುವ ನಾಯಕರ ಸಂವಾದ’ದ ಉದ್ಘಾಟನಾ ಸಮಾರಂಭದಲ್ಲಿ ದೋವಲ್ ಅವರು ಭಾರತವು ಗಡಿಗಳ ವಿಷಯದಲ್ಲಿ ಮಾತ್ರವಲ್ಲದೆ ಆರ್ಥಿಕವಾಗಿಯೂ ಸೇರಿದಂತೆ ಎಲ್ಲಾ ರೀತಿಯಲ್ಲೂ ತನ್ನನ್ನು ತಾನು ಬಲಪಡಿಸಿಕೊಳ್ಳಬೇಕು ಎಂಬ ಹೇಳಿಕೆಯನ್ನು ಮೆಹಬೂಬಾ ಮುಫ್ತಿ ವಿರೋಧಿಸಿದ್ದಾರೆ. ಆಕ್ರಮಣಶೀಲತೆ ಮತ್ತು ದಬ್ಬಾಳಿಕೆಯ ನೋವಿನ ಇತಿಹಾಸಕ್ಕೆ ಸೇಡು ತೀರಿಸಿಕೊಳ್ಳುವ ವಿಷಯಕ್ಕೆ ಸಂಭಂದಿಸಿ ಅವರು ತಮ್ಮ ‘X’ ಖಾತೆಯ ಮೂಲಕ ಪ್ರತಿಕ್ರಿಯಿಸಿದರು.
ಶತಮಾನಗಳಷ್ಟು ಹಳೆಯ ಘಟನೆಗಳಿಗೆ 21 ನೇ ಶತಮಾನದಲ್ಲಿ ಸೇಡು ತೀರಿಸಿಕೊಳ್ಳಲು ಕರೆ ನೀಡುವುದು ಸರಿಯಾದ ಕ್ರಮವಲ್ಲ ಅದು ಕೇವಲ ‘ನಾಯಿ ಶಿಳ್ಳೆ’ ಎಂದು ಅವರು ಹೇಳಿದರು. ಇದು ಬಡ ಮತ್ತು ಅಶಿಕ್ಷಿತ ಯುವಕರನ್ನು ಎತ್ತಿ ಕಟ್ಟಿ ಅಲ್ಪಸಂಖ್ಯಾತ ಸಮುದಾಯವನ್ನು ಗುರಿಯಾಗಿಸಲು ಪ್ರೋತ್ಸಾಹಿಸುತ್ತದೆ.
ದೇಶವನ್ನು ಆಂತರಿಕ ಮತ್ತು ಬಾಹ್ಯ ದುಷ್ಟ ಶಕ್ತಿಗಳಿಂದ ರಕ್ಷಿಸಬೇಕಾದ ಅಜಿತ್ ದೋವಲ್ ಅವರಂತಹ ಹಿರಿಯ ಅಧಿಕಾರಿ ಕೋಮು ದ್ವೇಷದ ಸಿದ್ಧಾಂತವನ್ನು ಆರಿಸಿಕೊಳ್ಳುವುದು ಅತ್ಯಂತ ದುರದೃಷ್ಟಕರ ಎಂದು ಮೆಹಬೂಬಾ ಹೇಳಿದರು.